Kon kaisa sa subra natun ka pagpalangga sa isa ka tawo halos tanan himuon ta agud indi lang kita pagbay-an.
Apang, tama pa bala ayhan nga punggan mo ang isa ka tawo apisar nga wala na ini sang luyag simo?
Bangud didto sa isa ka lugar, gin-aresto sang mga awtoridad ang isa ka 48-anyos nga lalaki matapos gin-alegar nga ginguba sini ang bahin sang ila puluy-an gamit ang excavator matapos mahibaluan nga nag-file sang divorce ang iya asawa.
Suno sa report, ginpahog sang suspek nga si Eric Pierwsza nga gub-on niya ang ila balay kon makipagbulag ang iya asawa.
Apang, pagkatapos sang isa ka gab-i nga nag-inom-inom ini, gintuman ni Eric ang iya pagpamahog nkag didto gin-amat-amat niya guba ang ila balay nga wala man lang sang pangpangduha-duha.
Sang ginaguba ini ang ila balay, yara pa sa sulod ang iya asawa kag ila duha ka kabataan nga mahamuok ang tulog.
Pagkatapos sang insidente, nagpalagyo si eric apang sang ulihi nadakpan man ini sang mga otoridad.
