TAPAZ, CAPIZ– Pilason ang isa ka lalaki matapos ginlabo sang iya kaupod sa ilimnan sa Sitio Marugo, Brgy. San Antonio, Tapaz, Capiz.
Ang biktima amo si alias Mar, 50, kasado, laborer kag residente sang nasambit nga lugar.
Samtang ang suspek naman amo si alias Dix, 45, laborer, soltero kag residente sang Sitio Bongbongan, Brgy. San Antonio, Tapaz Capiz.
Suno sa Tapaz Municipal Police Station, magka-upod nga nag-inom ang duha sa balay sang biktima.
Ginapahayag nga nagbais ang duha, tubtob nagkuha sang kutsilyo ang suspek kag ginbuno ang biktima sa nawala nga dughan.
Bangud sa kahulugbon, nagbais ang duha tubtob ginlabo sang suspek ang biktima sa nawala nga dughan sa diin nagdumugay pa ang mga ini.
Matapos sini, nagkuha ang biktima sang binangon kag ginlabo ang suspek sa nagkalain-lain nga bahin sang iya lawas.
Gilayon naman nga gindala ang suspek sang Bureau of Fire Protection (BFP) sa Tapaz District Hospital. Samtang ang biktima naman gindala sa Rural Health Unit.
