Lalaki ginlampusan sang tubo, padayon nga ginabulong sa ospital

ROXAS CITY – Padayon nga ginabulong sa ospital ang 52-anyos nga lalaki matapos ginlampusan sang tubo sa Barangay Duran, Dumalag, Capiz.

Ginkilala ang biktima nga si Jose Pedro Flores samtang ang suspek amo si Roque Fagtanan, lunsay mga residente sang amo nga lugar.

Nagalakat pauli ang biktima sang ginbanggaan sang suspek kag hinali nga ginlampusan sang tubo.

Naigo ang biktima sa liog kag gilayon nga gindala sa ospital para sa pagbulong.

Daan nga hiligut-anon ang ginapatihan nga motibo sa insedente.