-- ADVERTISEMENT --
ROXAS CITY – Wasak ang sag-ang sang 38-anyos nga lalaki matapos luthangon ang kaugalingon sa Barangay Bungsuan, Dumarao Capiz.
Ginkilala ang biktima sa kay Francis Quinsay residente sang amo nga lugar.
Sa exclusive interview sang Bombo Radyo Roxas kay SPO4 Jose Sony Diez, imbestigador sang Dumarao PNP, ginpahayag sini nga naga-inom sang kape ang magpakaisa sa sulod sang balay sang hinali makabati sang lupok sang pusil.
Nakibot na lamang sila sa ila pag-guha sa balay sang makita ang duguon nga pakaisa nga may ginauyatan nga .22 kalibre nga armas nga amo ang gingamit sa pagluthang sa kaugalingon.
Padayon sa karon ang imbestigasyon sang Dumarao PNP para mahibaluan kun ano ang rason sa pagpanginmatay sang biktima.
-- ADVERTISEMENT --
