ROXAS CITY – Patay ang 35-anyos nga lalaki matapos ginaalegar ginluthang sa atubang sang iya asawa sa Barangay Camburanan, Tapaz, Capiz.
Pilas sa sag-ang ang naangkon nga pilas sang biktima nga si Randy Galagate sang Barangay Camburanan, Tapaz.
Nagaguwa sa imbestigasyon sang Tapaz Municipal Police Station, yara sa sulod sang balay ang mag-asawa kag wala sila sang ihibalo nga sekreto nga ginpasulod sa buho sang balay sang suspek nga si Rodrigo Lozada 54-anyos ang armas kag ginluthang ang biktima.
Apang maswerte nga wala naigo si Galagate kag gilayon nagguwa sa balay ang mag-asawa
Sa pagbalik sang mag-asawa sa ila balay ila ginkakibot ang hinali nga pagsulod sang suspek kasunod ang pagluthang sa biktima sa atubang sang iya nga asawa.
Ginapatihan nga madugay nga hiligut-anon ang motibo sa krimen.
Samtang boluntaryo naman nga nagsungka sa Jamindan PNP ang suspek nga gilayon ginturn over sa Tapaz PNP, sa diin nagluntad ang krimen.
