Lalaki ginluthang patay sa sulod sang ila puluy-an

ROXAS CITY – Patay ang 42-anyos nga lalaki matapos luthangon sa sulod mismo sang iya puluy-an sa Barangay San Julian, Tapaz.

Pilas sa ulo kag lawas ang naangkon sang biktima nga si Randy Fagtanan sang Barangay San Antonio, Tapaz, Capiz.

Nagapabilin naman nga at-large ang ginatudlo suspek nga si Romeo Gequillo alyas Nono sang Barangay San Julian, Tapaz.

Ba-se sa inisyal nga imbestigasyon sang kapulisan nga gingubat sang suspek ang biktima apang sang wala nagguwa si Fagtanan, ini na mismo ang nagsulod sa iya balay kag ginluthang ang biktima.

Ginapatihan nga .45 kalibre nga armas ang gingamit sang suspek sa pagtiro sa biktima bangud nakita ang mga empty shells sang amo nga armas sa ginluntaran sang krimen.