Lalaki ginpakustodiya sang iya mga utod sa Ivisan PNP matapos nga ginaalegar nagatuga sang kinagamo

ROXAS CITY – Ginpakustodiya sang iya mga utod ang isa ka persona sa Ivisan Municipal Police Station matapos nga ginaalegar nagatuga sang eskandalo sa Barangay Basiao, Ivisan, Capiz.

Ginkilala ang nasambit nga persona kay Junifer Arellano sang nasambit nga lugar.

Base sa inisyal nga imbestigasyon sang mga kapulisan nga naga-warass ang amo nga persona rason nga ginpakustodiya ini sang iya mga kautoran nga sanday Joey Arellano kag Albino Arellano.

Nahibaluan nga yara sa idalom sang impluwensya sang makahulubog nga ilimnon si Junifer sang natabo ang insidente.

Bangud diri, ginpakamaayo na lamang sang iya mga kautoran nga ipakustodiya ini sa Ivisan PNP para sa nagakaigo nga disposisyon.