Nakuhaan sang video ang isa ka makahalangawa nga natabo sa isa ka lalaki nga si Nanhe Miyan matapos ini ginpalid sang mabaskog nga hangin samtang naga-uyat sa pasilungan sa tunga sang paglabay sang dust storm sa Bareilly District sa Uttar Pradesh sa India.
Suno sa report gikan sa Bhamora Police Station, nagluntad ang insidente sa baryo sang Bamiyana kun sa diin ang metal nga estraktura sa isa ka marriage hall ang naigo sang mabaskog nga hangin.
Madamo nga tawo ang nagtinguha sa pag-uyat sa pasilungan samtang nagabaskog ang bagyo, apang sang ulihi nagpalagyo sila bangud tuman kabaskog sang hangin kag si Nanhe Miyan ang nabilin nga nagauyat sa estraktura.
Pila ka minuto, ginsakwat sang mabaskog nga hangin ang atop kag ginpalid sang hangid upod si Nanhe, nga naglab-ot sa 50 feet antes siya nalagbong sa uyapad.
Gilayon ini nga gindala sa ospital kag yara na sa kritikal nga kondisyon matapos nga nag-angkon sang multiple fractures kag iban pa nga pilas sa lawas.
