Lalaki gintadtad labo sang madugay na nga kaaway

ROXAS CITY – Patay ang isa ka lalaki matapos lab-on sa banwa sang Dao sa probinsiya sang Capiz.

Pilas sa magkatuhay nga bahin sang lawas ang naangkon ni Jaime Ascocia 56-anyos.

Nagaguwa sa imbestigasyon sang Dao PNP nga nagapungko sa sidewheel sang tricycle ang biktima sang magpalapit ang suspek nga si Reynaldo Estorninos kadungan ang paglabo.

Matapos nakita nga wala na nagahulag ang duguan nga biktima gilayon nga nagpalagyo ang suspek dala ang sanduko nga gingamit sa krimen.

Samtang madugay nga hiligut-anon ang motibo sang pagpanglabo sang suspek kay Ascocia.