ROXAS CITY – Kritikal ang isa ka lalaki matapos bumunggo ang ginamaneho nga salakyan sa stockpile kag nalagbong sa creek sa Barangay Banica, syudad sang Roxas.
Ginkilala ang biktima kay Jay Paul Protacio, sa legal nga pang-edaron, residente sang Brgy. Tiza sining syudad.Sa impormasyon nga nakuha sang Bombo Radyo kay Levi Bacas Diaz, brgy. treasurer madasig ang pagpadalagan ni Protacio sang salakyan kag wala sini natalupangdan ang buga nga yara sa kilid sang dalan nga gintunaan sang iya pagkabunggo kag pagkahulog sa creek.
Bangud sa impact, nag-angkon sang pilas sa magkatuhay nga parte sang lawas si Protacio.
Madasig naman nga nagtawag sang Emergency Response Team ang mga residente nga nakasaksi sa insidente kag gindapatan sang pauna nga pagbulong antes ginpadangat sa isa ka pribado nga ospital.
Sa karon, nagapadayon ang imbestigasyon sang kapulisan angut sa aksidente.
