Isa ka 54-anyos nga lalaki sa Iran ang liwat nga nakaangkon sang international recognition matapos nga natuman ang pinaka-imposible nga hangkat sa pag-angot kag pagbalanse sang 96 ka kutsara sa iya lawas.
Si Abolfazl Saber Mokhtari kilala na sa iya pinasahi nga talento sang “object sticking,” kag sa ikatlo nga tion liwat niya nga nalab-ot ang iya kaugalingon nga Guinness World Record para sa “most spoons balanced on the body.”
Nagsugod siya sa 85 ka kutsara sang tuig 2021, ginsundan ini sang 88 sang tuig 2023, kag sini nga tuig, dugang niya nga ginpamatud-an ang iya ikasarang sa bag-o nga rekord nga 96.
Suno sa iya, ini nga talento indi lamang natural,kundi isa ini ka butang nga iya ginpauswag sa sulod sang mga tinuig.
Ginapamatud-an ni Mokhtari nga ang determinasyon kag dedikasyon bastante na sa pagpataas sang isa ka tumalagsahon nga ikasarang sa lebel sang isa ka rekord sa kalibutan.
