Lalaki nagapabilin nga unconscious matapos nga ginsumbag sa Barangay VII, Roxas City

ROXAS CITY-Nagapabilin nga unconscious sa isa ka pribado nga ospital ang 29-anyos nga lalaki matapos nga ginsumbag sa Rizal Street, Barangay VII, Roxas City.

Ginkilala ang biktima nga si Ronel Villaruz, residente sang nasambit nga lugar.

Sandig sa ginpabalhag ni Romeo Villaruz, 22-anyos, manghod sang biktima kag residente sang nasambit man nga lugar nga samtang naga-inom ang iya nga magulang, hinali nga nagpalapit ang suspek nga si certain Richie Dela Cruz kag ginsumbag sa guya ang biktima.

Bangud sa kabaskugon sang sumbag, natumba sa duta ang biktima kag nalipong.

Gilayon nga gindala sa ospital ang biktima kag padayon nga ginabulong.

Ginapahayag nga may yara sang blood clot sa ulo sang biktima sandig sa resulta CT-Scan.