Ginbaligya sang isa ka lalaki sa Brazil ang pila niya ka mga gamit kag nagbiyahe sang halos 1,900 kilometers agud personal nga makilala ang babaye nga iya nakilala sa social media nga iya ginalauman nga mangin asawa sini.
Apang pag-abot niya sa lugar nga iya ginkadtuan, iya nadiskubrehan nga indi matuod nga tawo ang babaye nga iya ginahigugma kundi isa ka karakter nga gintuga gamit ang artificial intelligence ukon AI.
Bangod naubos na niya ang iya kuwarta sa malawig nga pagbiyahe, nangayo siya sang bulig sa mga otoridad nga naghatag sa iya sang pagkaon kag pamasahe agod makapauli sa ila puluy-an.
Ang insidente nagapakita sang posible nga katalagman sang pag-date sa internet, ilabi na sa tion nga ang AI makahimo sang realistic nga mga laragway kag mga persona nga makapatalang sa mga nagagamit sang social media.
Bangud sini, ginapanugyanan ang publiko nga i-verify ang identity sang ila masugata online antes magsalig, magkit-anay sa personal, ukon maggasto sang daku nga kantidad agud malikawan nga mangin biktima sang pagpang-into.
