Isa ka lalaki sa China ang naghimo sang bag-o nga Guinness World Record paagi sa pagpalibot sang 33 ka hula hoop sa iya lawas samtang nagabitay nga baliktad.
Ang lalake ini amo si Yan Yanjia kon sa diin nagbitay ini sang pabaliktad sa isa ka playground sa Guilin, Guangxi, China, samtang ang duha ka abyan nagbulig sa iya sa pagposisyon sang mga hula hoop halin sa iya ulo pakadto sa iya mga balikawang.
Natigayon ni Yanjia nga huptan ang tanan nga hula hoop nga nagalibot sa iya lawas rason nga nakuha sini ang Guinness World Records.
Nalabawan niya ang nagligad nga rekord sang napulo ka hula hoops.
Suno kay Yanjia, walo ka tuig na ang nakaligad sang nagsugod siya sa hula hooping bilang pamaagi agud magpaniwang.
Tuyo karon ni Yanjia nga i-break ang isa pa ka rekord paagi sa pagpalibot sang mga hula hoop samtang nagahimo sang mga pull-up.
