Diri sa aton sa Pilipinas, masami sa kada bugtaw naton kinahanglan ta magpaninlo sa sulod sang aton panimalay, kon kaisa gani napaingit pa kita kon pwerte ka higko sang aton sini nga palibot!
Apang didto sa isa ka Pungsod, ag-issue sang partial domestic exclusion order ang Singapore family court batuk sa isa ka babayi nga gina-alegar pwersa nga nagasulod sa kwarto sang iya utod nga lalaki sa dis-oras sang gab-i agud nga magpaninlo.
Naglibog man ang ulo sang judge sa korte kasunod sang pinasahi nga legal dispute sa tunga sang mag-utod.
Ang babayi ang nakakuha sang protection order batuk sa iya utod nga lalaki nga gina-alegar nga nagsakit sa iya samtang may dosmetic order naman nga ginpagwa sa babayi nga nagadumili sa iya nga magsulod sa kwarto sang iya nga utod.
Suno sa lalaki nga utod, sa sulod sang walo ka tuig, masami nga nagasulod sa iya kwarto ang iya utod sini nga babayi dis-oras sa gab-i agud nga magpaninlo kag wala nagasunod sa iya request nga privacy.
Depensa naman sang babayi, kinahanglan niya ini nga himuon bangud nga nagatrabaho man siya kag wala man nagapaninlo ang iya sini nga utod.
Ginpahayag pa niya nga ang ila amay ang nagapanag-iya sang balay, gani kun indi ini luyag sang iya ginahimo, mahimo gid ini nga maglayas ang iya sini nga utod.
