ROXAS CITY – Nagdepensa karon ang isa ka senior citizen sa iya nga pagdap-ong sa sanga sang Tamarindo kagab-I sa diin nagatumpok ang mga buyog sa ila nga pukyutan sa Sitio Nipa, Barangay Culasi, Roxas City.
Ginpahayag ni Mr. Leopoldo Monares, ginsug-an ukon nagdap-ong ini sa puno sang tamarindo bangud nabalaka ini nga mahalitan sang mga buyog ukon ligwan ang nagahampang nga mga kabataan.
Nahamtang ang puno sang tamarindo sa atubang sang balay ni Monares gani naobligar ini magdap-ong agud matabog palayo ang mga buyog.
Apang wala naglaum si Monares nga kasunod sa pagpalayo sang mga buyog ang ila pagpadulong sa mga kabalayan nga may yara sang suga sa diin naghatag naman ini sang perwisyo sa mga pumuluyo.
Nagapati ini nga posible gikan sa pihak nga bukid ang mga buyog.
Ginpanindugan man ni Monares nga wala nagapangagat ang mga buyog nga nagtenir sa sanga sang Tamarindo, bangud pila sa mga ini ang nagbunggo pa sa iya lawas kag nawong, apang wala ini sang nabatyagan nga ginkagat siya.
