Ikaw Ka-bombo ano ang sarang mo nga mahimo sa imo sini nga pinalangga?
Mahimo mo man bala ayhan ang gin-obra sang lalaki nga naghimo sang solar-powered e-bike agud mangin mahapos ang pagbisita sa iya nobya adlaw-adlaw nga indi na kinahanglan ang gasolina ukon regular nga pag-charge sang kuryente.
Nakabyahe si Edriano sang tubtob 20 kilometers pakadto sa balay sang iya nobya gamit lamang ang solar energy.
Ang iya proyekto nagsugod bilang isa ka simple nga eksperimento gamit ang isa ka dynamo, solar panel kag four-wheel toy car. Pagkatapos makita ang potensyal sini, nagpadayon siya sa pagtukod sang mas daku nga version.
Nagbutang pa gid siya sang electric bike conversion kit kag naghimo sang mas mabakod nga frame para suportahan ang 18-volt, 100-watt solar panel.
Apisar nga nakasugata siya sang mga isyu sa una nga pagtilaw, ginsolbar niya ini kag ginpadayon ang proyekto.
Para kay Edriano, ang iya imbensyon nagapamatuod nga paagi sa pagpadayon, ihibalo, kag inspirasyon, ang isa ka simple nga idea mahimo nga mangin realidad ilabi na gid kon may dugang nga inspirasyon halin sa gugma.
