Lalaki nagpa-rekord sa pulisya matapos nga ginaalegar nadula ang pila ka mga parte sang iya motorsiklo

ROXAS CITY – Nagparekord sa mga kapulisan ang isa ka lalaki matapos nga ulihi na natukiban nga wala na ang pila ka mga parte sang ginapanag-iyahan nga motorsiklo.

Suno kay Raymond Berte, 30 anyos sang Barangay Cagay sining syudad nga wala na ang gas tank, CDI kag duha ka mga covers sang iya motorsiklo.

Ginapatihan nga posible ginkawat sang wala matumod nga persona ang nadula nga mga kagamitan.

Bangud diri, ginpakamaayo na lamang sang tagreklamo nga ipa-rekord sa pulisya ang insidente.