Lalaki nagpabalhag sa pulisya matapos nga ginaalegar nakabunggo sang layaw nga ido

ROXAS CITY – Nagparekord sa Roxas City Police Station ang isa ka 54-anyos nga persona matapos nga ginaalegar nakabunggo sang layaw nga ido sa Barangay Tiza, Roxas City.

Ginkilala ang tagreklamo nga si Cyril Arceño sang amo nga lugar.

Sandig sa ginpabalhag sang tagreklamo nga samtang ginasubay sini ang dalanon papuli na kuntani sa ila balay sakay sa ginamaneho nga motorsiklo sang hinali na lamang nga nagtabuk ang isa ka layaw nga ido rason nga aksidente man sini nabungguan.

Bangud diri, natumba ini sa dalan rason nga nag-angkon sang gasgas ang pila ka mga parte sang iya nga motorsiklo.

Maswerte naman ini nga wala napilasan sa nasambit nga insidente.