-- ADVERTISEMENT --
Nag-viral sa social media ang istorya sang isa ka lalaki nga ginkilala bilang Antoine Cheval, nga gin-alegar nagpakasal sa iya kaugalingon matapos ang 17 ka tuig nga napaslawan ini makakita sang relasyon.
Sa mga naglapta nga litrato, makita siya nga nagsuksok sang kombinasyon sang suit kag wedding gown bilang simbolo sang sologamy ukon seremonya sang pagpakasal sa kaugalingon.
Gin-alegar nga nagpatigayon ini sang seremonya kun sa diin nagbaylohanay sang singsing kag naghatag sang vows sa atubangan sang pamilya kag mga abyan.
Ang sologamy nagasimbulo sang commitment sa kaugalingon kag ginakabig sang iban bilang porma sang self-love kag self-acceptance.
