Lalaki, nagpakasal sa kanding bangud masami gina-into ini sang iya nga ex-girlfriend

Bangud sa indi na maisip nga failed relationship nga na-eksperyensyahan sang isa ka lalaki sa iya mga ex-girlfriend kag sunod-sunod nga heartbreaks ang iya ginaantos nagpakasal ini sa kanding.

Base sa report, wala nagsulod sa panghuna-huna ni George nga ang matuod gali nga paghigugma indi makit-an sa tawo kundi sa isa ka kanding.

Nagpakasal si George sa iya hinuptan nga kanding nga ginkilala sa ngalan Matites.

Apisar madamo sang nagpamalabag sa iya desisyon wala ini nagpasugot kag ginpakigbato sini ang paghigugma niya kay ni Matites.

Tuman naman ang pagpati ni George nga indi na ini masakitan pa sa iya nga asawa, kaangay sang ginpabatyag sa iya anay mga nobya, kon sa diin puro na lang sakit sa tagipusuon ang ginhatag sa iya.