Nagapangatubang sang kaso ang isa ka lalaki sa India matapos nagpakuno-kuno nga babaye agud masabat ang entrance examination sang iya nobya.
Ang lalaki amo si Angrez Singh, samtang ang iya nobya amo si Paramjit Kaur nga kinahanglan makapasar sa eksaminasyon agud mangin kwalipikado para sa trabaho bilang isa ka healthcare worker.
Agud indi makilala, nagsuksok si Singh sang makeup, nagsuksok sang bayo sang babaye kag naggamit sang peke nga voter identification card nga may ngalan kag litrato ni Kaur.
Apang natalupangdan sang mga opisyal sang eksaminasyon nga ang hitsura sang tawo nga nagkuha sang eksaminasyon wala nagasanto sa application form ni Kaur.
Bangud sini, nadakpan ang mga magkahagugma kag gin-imbestigaran kag nagapangatubang sang kaso may kaangtanan sa pagpangdaya kag paggamit sang peke nga mga dokumento.
