Lalaki nagparekord sa Roxas City PNP matapos ginsulod kag tuyo kawatan ang ila balay

Roxas City – Nagparekord sa Roxas City PNP ang 59-anyos nga mister matapos ginaalegar tuyo kuntani kawatan sang wala matumod nga suspek ang ila panimalay sa Barangay Inzo, Arnaldo, Roxas City.

Ginkilala ang tagreklamo kay Ronnie Barrientos sang nasambit nga lugar.

Suno kay Barrientos nga nakabatyag siya sang gahud sa ila sala rason nga iya ini ginpadulongan kag ginpasiga sang suga.

Nakibot na lamang ini sang makita ang wala makilala nga kawatan sa diin sang magsiga ang suga, hinali ini nagpalagyo.

Bangud diri, ginpakamaayo na lamang ni Barrientos nga ipa-rekord sa pulisya ang insidente.