Isa ka anay mekaniko sa Wisconsin, USA, ang nagpatukob sa man-og halin sang 2000 tubtob 2018 agud makahimo sang “hyper-immunity” batok sa bug-os nga resistensya sa ila kamandag.
Ang lalaki amo si Tim Friede ang na-coma matapos makapila ka beses nga nagpatukob sa man-og apang ginatinguhaan pa sini ang iya katuyuan nga makabulig sa paghimo sang mas epektibo nga antivenom.
Kag subong, daw nagbunga na ang iya sakripisyo. Ginpakita sang isa ka bag-o nga pagtuon nga ginbalhag sa Cell journal nga ang mga antibodies gikan sa iya dugo epektibo batok sa makamandag sang madamo nga sahi sang man-ug. Nagalaum ang mga manugpanalawsaw nga makabulig ini sa paghimo sang isa ka unibersal nga antivenom.
Sa karon, ang kalabanan nga mga antivenom naghalin sa mga kabayo kag nagatrabaho lamang sa pila ka klase sang mga man-ug. Mahimo man ini makatuga sang malala nga mga epekto pareho sang anaphylactic shock.
Suno sa WHO, tubtob sa 138,000 ka tawo ang nagakapatay kada tuig bangod sang kagat sang man-ug, kalabanan sa ila gikan sa imol kag malayo nga mga duog.
Sugod sadto, nag-untat na siya sa pagpa-inject sang kamandag halin sang 2018 agod malikawan ang iban pa nga mga isyu, apang nagalaum siya nga makabalik sa iya pinasahi nga eksperimento.
