Panalakit sang kalawasan ang nabatyagan sang isa ka lalaki matapos nga ginsumbag sang Punong Barangay sang Barangay Duyoc,Dao Capiz.
ROXAS CITY-Ginpahayag ni Arnel Arrojado nga ginpatawag ini sa barangay matapos nga ginreklamo sang pagpanumbag sang kaupod sini nga nagatrabaho sa kampo.
Apang samtang ginahusay sang barangay kagawad sa barangay hall hinali nga nag-abot si Punong Barangay Nestor Lachica kasunod sa paggan-it sang iya buhok kag ginsumbag ini sang makaduha ka beses.
Gindugang pa ni Arrojado nga wala sang iban nga mga barangay officials nga nagtambag kay Lachica samtang ginasumbag ini.
Aminado si Arrojado makaduha na ini ka beses nga ginpatawag sa barangay sa mga kinagamo nga ginakadalahigan sini sa barangay.
Ginkumpirmar naman ni Arrojado nga nagpadulong sa barangay ang mga personnel sang Department of the Interior and Local Government ukon DILG sang banwa sang Dao agud usisaon ang natabo apang ginpanginwala ni Lachica ang insedente.
Samtang wala na sang plano pa si Arrojado nga pasakaan sang panumbongon si punong barangay Lachica bangud aminado ini nga may sala man siya kag ginpakamaayo nga magbiya na lamang sa ila barangay.
 | ReplyForward |
