-- ADVERTISEMENT --
ROXAS CITY-Nagreklamo sa Roxas City Police Station ang 22-anyos nga soltero matapos nga ginhack sang wala matumod nga suspek ang iya sini nga Facebook Account sa Barangay Cagay, Roxas City.
Ginkilala ang biktima nga si John Reynold Isiderio, residente sang nasambit nga lugar.
Sandig sa ginpabalhag sang biktima sa Roxas City Police Station, ginaalegar sini nga sang tinalikdan pa nga Nobyembre 14 sini nga tuig, namutikan nga may yara na sang nagagamit sang iya nga Facebook Account.
Gindugang pa sini nga masami nga nagapadala ini sang mensahe sa iya mga friends sa amo nga social media apisar nga wala ini nagagamit.
Bangud sini, ginpakamaayo na lamang ni Isderio nga ipabalhag sa mga kapulisan ang amo nga insidente.
-- ADVERTISEMENT --
