Lalaki, nagsulod sa balay sa isa ka compound sa Barangay Cagay, Roxas City

Nagsulod sa isa ka balay ang isa ka lalaki nga nagapangayo sang bulig sa Barangay Cagay, Roxas City.

Sa interview sang Bombo Radyo kay Barangay Kagawad Isidro Aragon, iya ginpahayag nga may isa ka concerned citizen nga nagreport sa ila nahanungod sa nasambit nga lalaki nga nagsulod sa isa ka balay.

Suno kay Aragon, gilayon man nga nagresponde ang mga kapulisan kag didtu nahibaluan nga may mga pilas ang nasambit nga lalaki sa nagkalain-lain nga bahin sang iya nga lawas.

Gilayon man ini nga gindala sa ospital para sa nagakaigo nga pagbulong.

Pahayag pa niya, posible yara ini sa impluwensya sang makahulubog nga ilimnon.

Sa subong, padayon ang imbestigasyon sang mga otoridad sa nasambit nga insidente.