Lalaki, nagtinir sang masobra lima ka tuig sa fishpond

Mga ka-bombo kalabanan sa aton kon summer nagapadulong gid kita sa mga beach ukon swimming pool agud magpaligo kag maglangoy para mabugnawan ang aton nga lawas

Apang didto West Bengal, India, nakakuha sang atensyon ang 16 anyos nga teenager matapos ginaalegar masobra lima ka tuig nga nagapuyo sa fishpond bangud sa kondisyon sang iya panit.

Suno kay Iqbal Sheikh, mas ginpili niya nga magpabilin sa fishpond bangud nagalala ang iya kondisyon kun magtakas siya sa tubig.

Bangud sa tumalagsahon nga sitwasyon, naglapta ang iya istorya sa social media kag nakabaton ini sang bulig gikan sa pila ka mga indibidwal.

Padayon ini nga nagapaidalum sa mga test agud mahibaluan ang iya eksakto nga kondisyon kag mahatagan sang nagakaigo nga medical attention.