-- ADVERTISEMENT --
ROXAS CITY – Patay ang isa ka 53-anyos nga mister matapos malab-an sang kaupod sa ilimnan sa Barangay Balatucan, Panit-an, Capiz.
Nag-angkon sang pilas sa magkatuhay nga lawas ang biktima nga si Alfredo Danieles.
Nagaguwa sa imbestigasyon sang pulisya nga antes ang krimen magkaupod pa ang biktima kag ang suspek nga si Diomedes Catalan Jr., nga nag-inum apang nakaangkon sang mainit nga debatihay.
Apang napunggan ang duha kag nagdesisyon na lamang nga magpauli.
Wala ginalauman sang biktima nga nakabantay na ang suspek indi malayo sa lugar kag nagibot na lamang ini sang hinali siya nga lab-on ni Catalan Jr. gamit ang sanduko.
-- ADVERTISEMENT --
Gilayon nga nagpalagyo ang suspek matapos ang krimen.
Samtang nagasinggitan sang hustisya ang pamilya sang biktima.
