PANAY, CAPIZ – Nakuhaan sang kapin P782,000 nga balor sang iligal nga droga ang lalaki nga nadakpan sa ginpatigayon nga drug buy-bust operation sa Barangay Linao, Panay, Capiz.
Ang subject person amo si Marvin Blanco, 29 – anyos kag residente sang Barangay Daga, Panay, Capiz.
Sa interview sang Bombo Radyo kay Police Captain Eric Deocampo, Chief of Police sang Panay Municipal Police Station, iya gipahayag nga ang nasambit nga operasyon ang ginkasa kaupod ang Philipine National Police Drug Enforcement Group (PNPDEG).
Suno kay Deocampo, tuig 2024 pa ginamonitor ang nasambit nga subject person ilabi na nga yara man ini sa listahan sang Barangay Anti-Drug Abuse Council (BADAC) list kag masami nga ireklamo sang mga pumuluyo bangud sang iya iligal nga aktibidad.
Nakuha sa subject person ang 150-grams sang ginapatihan shabu nga may standard drug price nga ₱782,000 kag isa ka unit sang cellphone.
Sa subong, nakahunong sa prisuhan sang ila talatapan ang subject person kag natalana nga magapangatubang sang kaso nga pagbayolar sa RA 9165 ukonComprehensive Dangerous Drugs Act of 2002.
INTERVIEWED BY: BOMBO ROADNIE DABAN DALANON VIA ZONA LIBRE
