ROXAS CITY — Dead on arrival sa ospital ang 40-anyos nga lalaki nga nalumos sa suba sa Barangay Punta Tabuc matapos ginapatihan nga gin-atake sang nerbiyos sang makabati sang mabaskog nga dalugdog.
Ginkilala ang biktima nga si Armando Borbon, residente sang Barangay 7 sining siyudad.
Suno sa bayaw sang biktima nga si William Ribite, nagpasuba si Borbon para kuntani magpanalaba apang nasapwan na lamang nila sa ulihi nga ini ang nagakupo na sa puno sang bakhaw nga nagasubsob ang ulo sa tubig kag wala na nagahulag.
May nakita man nga samad sa bibig sang biktima nga ginapatihan naagum sini sang siya ang nagsubsob.
Mahibaluan nga antes nasapwan ang biktima, nabatian pa sa lugar ang isa ka dako nga dalogdog.
Nahibaluan man gikan kay Ribite nga ginanerbiyos ang iya bayaw sa tion nga makabati sang dalogdog.
