Lalaki nasapwan nga patay sa sulod sang law office

ROXAS CITY – Patay na ang isa ka lalaki sang nasapwan sa sulod sang isa ka law office sa Bilbao St., Barangay Inzo Arnaldo, sining syudad.

Ginkilala ang biktima nga si Arturo Arquisola sang President Roxas, Capiz.

Naabtan na lamang ang biktima nga nagahigda sa salog sang law office nanday Atty. Jovencio James Bereber kag Atty. Noede Villareal.

Nagaguwa sa inisyal nga imbestigasyon sang kapulisan nga wala sang foul play sa kamatayon ni Arquisola kag posible nga gin-atake ini.

Nahibaluan nga bag-o lamang nakaguwa sa ospital ang biktima, bangud sa ginasuprer nga sakit nga tuberculosis.