ROXAS CITY – Patay na sang nasapwan sa isa ka ulumhan ang 45-anyos nga lalaki sa Barangay Acbo, Sigma, Capiz.

Ginkilala ang biktima nga si Aniceto Ponsaran sang amo nga lugar.

Ba-se sa imbestigasyon sang kapulisan nga nasapwan ni Barangay Kagawad Arnulfo Arante ang bangkay sang biktima nga nagahamyangon sa ulumhan.

Ginapatihan nga nalumos ang biktima nga magapauli na kuntani sa ila balay.

Yara na karon sa punerarya ang bangkay sang biktima samtang padayon ang imbestigasyon sang pulisya sa nasambit nga insedente.