Wala na sang kabuhi sang nasapwan ang isa ka lalaki sa Barangay Malocloc Sur, Ivisan Capiz.
Ang biktima amo si Francisc, 30-anyos kag residente sang Barangay Tacas, Pontevedra, Capiz.
Sa interview sang Bombo Radyo kay Police Lieutenant Juana Doctolero, Officer-in-Charge sang Ivisan Municipal Police Station, iya ginpahayag nga base sa panaysayon sang utod sang biktima antes ang insidente nakalisensya pa ini nga magpauli sa ila balay.
Suno kay Doctolero, samtang ginasubay sini ang dalan nadulaan ini sang kontrol sa manebela sa trycicle nga iya ginamaho rason nga nahulog ini sa pil-as kag natambakan sang iya tricycle.
Dugang pa sang natungdan, possible yara ini sa impluwensya sang makahulubog nga ilimnon sang natabo ang insidente.
Nagapati naman ang pamilya sang biktima nga wala sang foul play nga natabo sa ila himata.
