Lalaki, nasapwan nga yara na sa advance state of decomposition sa Jamindan, Capiz

Nasapwan nga wala na sang kabuhi kag yara na sa advanced state ang isa ka lalaki sa Barangay Lucero,  Jamindan, Capiz

Ang biktima amo si alyas fred, 55 anyos, isa ka mangunguma kag residente sang nasambit nga barangay.

Sa interview sang Bombo Radyo kay Police Captain Jaypee Silvestre, officer in charge sang Jamindan Police Station, iya ginpahayag nga may yara sang nagpalab-ot sa ila talatapan nahanungod sa nasambit nga insidente rason nga gilayon man nga gin-respondehan.

Suno kay Silvestre, ang mismo utod sang biktima ang nakakita sa bangkay sini nga nagahigda sa tunga sang humayan nga wala na sang kabuhi.

Sa subong, nagapadayon ang imbestigasyon sang mga kapulisan sa posible rason sang kamatayon sang biktima.