ROXAS CITY – Patay ang isa ka lalaki matapos ginapahayag nalumos sa Brgy. Amiligan,Pontevedra Capiz.
Ginkilala ang napatay nga si Renante Mayuga,47-anyos residente sang Brgy. Agbanog,Pontevedra Capiz.
Sa interview sang Bombo Radyo sa pamilya sang biktima, ginapahayag nga alas 6:00 sang gab-i sadtong Miyerkules Abril 17, naglesensya ang biktima nga magabisita ini sa iya pamilya sa amu man nga banwa apang dako na lamang ang ila pagkabalaka bangud naagahan na wala pa ini nakapauli kag wala man ini nagtext.
Ginapahayag nga naglesensya ini nga magpadulong sa iya abyan apang sang ginpadulungan sang pamilya ang iya abyan ginsiling sini nga wala naka-abot sa ila ang biktima.
Bangud sini, ginpakamaayo sang pamilya nga magpadulong kay Punong Barangay Rogelio Blancaflor agud magpangayo sang bulig agud mapangita ang biktima kaupod ang katapo sang kapulisan.
Sa ila nga pagpangita nila ang baruto sang biktima sa kilid sang suba kag didto nasapwan ang biktima nga nagalutaw-lutaw na.
Mahibaluan nga tag-iya sang punong ang amu nga biktima.
Sa karun natalana nga ipaidalum sa autopsy ang bangkay sang biktima agud mahibaluan kung anu ang gintunaan sang iya kamatayon samtang nagapadayon pa ang imbestigasyon angut sa nasambit nga insidente.
