Lalaki, nasapwan-patay sa dagat matapos gin-alegar gin-atake sang buaya

Patay na sang nasapwan sa dagat ang 56-anyos nga lalaki matapos gin-alegar gin-atake sang buaya sa Panglima Sugala, Tawi-Tawi.

Suno sa report, napilasan ang lalaki sa tuo nga bahin sang iya tiyan, liog, kag paa nga ginapatihan sang mga tawo nga tuga sang kagat sang buaya.

Magatipon kuntani sang kahoy nga panggatong ang biktima agud ibaligya.

Samtang, nadakpan sang mga residente sa lugar ang isa ka buaya, nga posible amo ang nag-atake sa lalaki.

Nagpahanumdom naman ang mga otoridad sa mga residente nga maghalong bangud sang nagligad nga mga semana, may isa pa ka persona nga napilasan matapos gin-atake sang buaya.