Wala na sang kabuhi sang nasapwan ang isa ka lalaki sa Poblacion 2, Barangay Katipunan, banwa sang Tapaz,.
Ginkilala ang biktima kay alyas “Ed”,38 anyos kag residente sang nasambit nga lugar.
Sa interview sang Bombo Radyo kay PCMS Rocer Garde- Imbestigador sang Tapaz MPS, ginpahayag nga una ini nga nakit-an sang isa ka Barangay Kagawad sa karsada ang biktima nga wala na sang kabuhi.
Gilayon naman nga nagpangayo sang bulig ang Kagawad sa mga kapulisan kag gin respondehan ini ang biktima kag gindala pa sa ospital, apang gin deklarar ini nga dead on arrival.
Dugang pa sini nga ang amu nga bangkay ang may yara sang mga dugo sa ulo, mga butkon kag tiil.
Apang base sa inisyal nga pag examine sang doktor nga “Cardiac Arrest” ang gintunaan sang kamatayon sang biktima.
Mahibaluan nga naga-supreher sang balatian nga “nervous breakdown” ang amu nga biktima.
Sa karon, nagapabilin na ang bangkay sini sa isa ka punerarya sa nasambit nga banwa.
