Nakibot ang isa ka pamatan-on nga lalaki sa China sang mahibaluan niya nga manggaranon ang iya pamilya bisan pa nagapati ini nga imol sila.
Ini amo si Zhang Zilong nagdaku nga nagapati nga ang ila pamilya may madamo nga utang kag kulang sa kuwarta.
Matapos siya makatapos sa kolehiyo, ginbuyagyag sang iya amay nga sila ang tag-iya sang Mala Prince, isa ka kilala nga latiao spicy snack company.
Suno sa iya amay, gintago niya ang ila manggad agud tudluan si Zilong nga mangin mapisan, mapainubuson kag indi magsalig sa manggad sang pamilya.
Apisar sini, padayon nga nagakabuhi si Zilong sang simple kag nagatrabaho sa kompanya agud mapasangkad ang negosyo sa pangkalibutanon nga merkado kag mapamatud-an ang iya kaugalingon sa responsibilidad nga mangin manunubli.
