ROXAS CITY – Padayon nga ginabulong sa ospital sa siyudad sang Iloilo ang isa ka lalaki matapos aksidente nga nalukpan sang armas-luthang sa Barangay Roxas, Tapaz, Capiz.
Ginkilala ang biktima nga si Joven Blanco, 21 anyos kag residente sang nasambit man nga lugar.
Base sa inisyal nga impormasyon nga nakuha sang Bombo Radyo, nagatindog sa guwa sang ila balay ang biktima kag may nakasukbit nga 12 gauge home made pistol sa iya nga kilid.
Sa wala mapat-od nga rason, aksidente nga naglupok ang nasambit nga armas-luthang rason nga nag-angkon ini sang pilas sa iya nawala nga paa.
Gilayon naman nga ginpadapatan sang nagakaigo nga pagbulong ang biktima.
Nahibaluan pa nga yara sa idalom sang impluwensiya sang makahulubog nga ilimnon ang biktima sang natabo ang insidente.
