Lalaki nga akusado sa kaso nga Carnapping, arestado

PONTEVEDRA, CAPIZ – Arestado ang isa ka menor-de-edad matapos ginserbihan sang warrant of arrest sang mga kapulisan sa Barangay Rizal, Pontevedra, Capiz.

Ang wala na ginhingadlan nga akusado ang naga-edad sang 17 anyos kag residente sang Barangay Milibili, Roxas City.

Ang nasambit nga akusado ang nagapangatubang sang kaso nga paglapas sa Republic Act 10883 ukon Anti-Carnapping Act of 2016.

Ginpirmahan ang warrant of arrest batuk sa akusado ni Judge Esperanza Isabel E. Poco-Deslate sang Regional Trial Court, Branch 14, Roxas City.

Ginrekomendar sang korte ang P200, 000 nga piyansa para sa temporaryo nga kahilwayan sang akusado.