Lalaki nga akusado sa kaso nga Frustrated Homicide, arestado sa Pontevedra

PONTEVEDRA, CAPIZ – Arestado ang isa ka wanted nga persona matapos ginserbihan sang warrant of arrest sang mga kapulisan sa banwa sang Pontevedra, Capiz.

Ginkilala ang nadakpan nga si Ronnie Boreles, 32 anyos sang Barangay Malag-it, sang nasambit nga banwa nga akusado sa kaso nga Frustrated Homicide.

Ang warrant of arrest batuk sa akusado ang ginpapanaog kag ginpirmahan ni Judge Lorencito Diaz sang Regional Trial Court, Branch 17, Roxas City sadtong Pebrero 12, 2020.

Ginrekomendar sang korte ang P62, 000 nga piyansa para sa temporaryo nga kahilwayan sang akusado nga nakahunong karon sa karsel sang Pontevedra Municipal Police Station.