-- ADVERTISEMENT --
ROXAS CITY – Nakahunong na karon sa karsel sang Roxas City Police Station ang isa ka lalaki nga naaresto matapos ginserbihan sang warrant of arrest sang mga kapulisan sa Barangay San Jose, Roxas City.
Ginkilala ang arestado nga si Anthony Asiatico, 33 anyos nga akusado sa kaso nga paglapas sa Republic Act 10591 ukon Comprehensive Law on Firearms and Ammunition.
Ang warrant of arrest batuk sa akusado ang ginpapanaog kag ginpirmahan ni Judge Ignacio Alajar sang RTC, Branch 18 sadtong Marso 9, 2020.
Ginrekomendar sang korte ang P120, 000 nga piyansa para sa temporaryo nga kahilwayan sang akusado.
