ROXAS CITY – Boluntaryo nga nagsungka sa kapulisan sang Tapaz ang isa ka lalaki nga nagpakilala nga anay katapo sang Communist Terrorist Group (CTG).
Sandig sa impormasyon nga nagikan sa Tapaz Municipal Police Station, nagpadulong sa ila istasyon ang wala na ginhingadlan nga persona nga ginapahayag nagsulod sa organisasyon sang tinalikdan nga tuig 2008 tubtob 2018 kag nagserbe bilang courier sang Igabon Platoon.
Suno diri nga nagdesider nga magsungka sa otoridad kag untatan na ang pagsuporta sa rebelde nga grupo bangud nareyalisar sang surenderee nga madugay na ini nga ginatiplang sang NPA.
Kadungan sang iya pagsungka, gin-surrender man sini ang isa ka unit sang cartridge of 40mm.
Sa karon, yara na ini sa paghinakop sang Tapaz PNP ang nasambit nga persona para sa nagakaigo nga disposisyon
