ROXAS CITY – Boluntaryo nga nagsungka sa mga kapulisan sa Pamunuan sang Capiz Police Provincial Office-2nd Capiz mobile force company ang isa ka lalaki nga nagpakilala nga anay miyembro sang Communist Terrorist Group (CTG).
Ang wala na ginhingadlan nga miyembro sang rebelde nga grupo ang isa ka messenger sa ila organisasyon.
Trabaho sini ang magdul-ong sang mensahe sa mga prominente nga tawo para sa pinansyal nga suporta sang organisasyon.
Ginsiling pa sini nga nagdesisyon ini nga magbalik sa sabak sang gobyerno matapos nga nareyalisar ang madugay na nga pagpanunto sa iya sang NPA.
Nahibaluan nga ang nasambit nga persona, ang nangin miyembro sang rebelde nga grupo sumugod 1992 tubtob 2017.
Kadungan sang iya pagsungka, ginsurrender sini ang isa ka unit sang homemade 12-gauge shotgun (long barrel type) kag mga bala.
Sa karon, yara na sa paghinakop sang talatapan sang Capiz Police Provincial Office ang nasambit nga armas-luthang para sa nagakaigo nga disposisyon.
