Lalaki nga biktima sang hit-and run ginabulong sa ospital

ROXAS CITY – Ginpadangat sa ospital ang 47-anyos nga lalaki matapos na-biktima sang hit and run sa banwa sang Panit-an.

Ginkilala ang biktima nga si Enrique Cadiz sang Barangay Intampilan, Panit-an.

Nagatabuk sa dalan ang biktima sang nabungguan sang isa ka motorsiklo sa Barangay Agkilo, Panit-an.

Gilayon gindala sa ospital ang biktima agud madapatan sang nagakaigo nga pagbulong.

Samtang gina-imbestigahan naman sang mga pulis ang insedente agud matumod ang driver sang motorsiklo.