Isa ka tumalagsahon nga kahigayunan sa isa ka lalaki nga naaktuhan nga nagapangawat ang natabo.
Maathag nga nakit-an sa Closed Circuit Television (CCTV) ang pagpangawat sang duha ka lalaki sa Mandaluyong City kun sa diin ang isa amo ang nagsulod sa isa ka tindahan nga ginapanag-iyahan ni Lola Raynalda kag ang isa ang nangin look out
Daw casual lang nga nagsulod ang amo nga makawat samtang mahamuok ang tulog sang nasambit nga tigulang.
Una sini nga ginkuha ang cellphone kag ginsulod sa iya nga bulsa.
Pagkatapos, nagguwa ini kag nakig-istorya sa iya kaupod nga kawatan antes ini magbalik liwat sa tindahan.
Sa iya nga pagpanumbalik,gintinguhaan niya nga kuhaon ang shoe box ukon cash box sa ulo ni Lola Raynalda.
Apang hinali lang nga may nagkanta, gani dalidali nga ginbalik sang kawatan ang kahon sa orihinal nga lugar sini.
Nagpungko man siya sa sofa nga ginahigdaan ni Lola Raynalda nga gulpi lang nakibot kag nagbangon.
Sa baylo nga magpanic, gintinguhaan pa sang kawatan nga dakpon ang kamot ni Lola Raynalda agud kuntani nga magbisa.
Ginlagas pa siya sang tigulang tubtob sa pirtahan apang madasig ini nga nagdalagan kag nagpalagyo.
Daku man ang pagpasalamat sang bata ni Lola Raynalda nga apisar ginkawatan ang iya iloy, wala naman ini nila ginsakit.
Gilayon man nga nagresponde ang kapulisan kag madasig nga nakilan-an ang mga kawatan.
