Lalaki nga gikan sa bilasyunan, gintiro-patay

ROXAS CITY – Patay ang 50-anyos nga lalaki nga ginluthang sang wala makilala nga suspek sa Barangay Aranguel, President Roxas, Capiz.

Ginkilala ang biktima nga si John Noel Tiongco sang Poblacion, President Roxas, Capiz.

Sa inisyal nga imbestigasyon sang President Roxas PNP nagapauli na ang biktima gikan sa bilasyunan sang gintiro ini sang wala makilala nga suspek.

Gilayon pa nga gindala sa ospital ang biktima apang gindeklara ini nga dead on arrival sang doktor.

Sa karon padayon ang imbestigasyon sang kapulisan sa nagluntad nga krimen.