Hugot nga ginapanginwala sang ginatudlo suspek sa pagpanglingling sa isa ka dalagita sa Barangay Libas Roxas City.
Matandaan nga ginkilala ang amo nga persona kay alyas “Nonong” 43-anyos kag residente man sang nasambit nga lugar.
Sa interview sang Bombo Radyo kay alyas “Nonong”, ginpahayag sini nga wala sang kamatuoran ang alegasyon nga nagpanglingling ini sa amo nga dalaga bangud nagpangihi lamang ini sang tion nga siya ang naaktuhan nga yara sa likod sang cr.
Ginsabat man sini ang alegasyon batuk sa iya may kaangtanan sa kapareho nga kaso nga pagpanglingling sa ila nga barangay.
Suno sa iya, kun siya ang matuod nga may kahimuan sang ginapahayag pagpanglingling sa ila lugar sang una kun tani ginreport ukon ginpadulongan ini siya sa ila nga balay agud komprontahon.
