ROXAS CITY – Nagpabalhag sa Roxas City Police Station ang isa ka 28-anyos nga negosyante matapos nga ginaalegar hinali na lamang nga ginhikap sang isa ka lalaki ang iya nga paa sa Teodoro Arcenas Trade Center, Barangay 8, Roxas City.
Ginkilala ang tagreklamo nga si Luisa Llasos sang Barangay 10 sining siyudad.
Sandig sa ginpabalhag sang tagreklamo nga samtang nagapungko ini sa atubang sang barangay hall ginaalegar nga nag-abot ang suspek nga si Arcadio Barcelo sang Rizal Street sining siyudad kag hinali na lamang nga ginhikap ang iya nga legs ukon paa tubtob sa iya nga tiil.
Nakibot naman ang tagreklamo rason nga madasig ini nga nagtindog kag nagsinggit.
Bangud diri, gilayon nga nagpangayo sang responde sa mga pulis ang tagreklamo kag gilayon nga nadakpan si Barcelo.
Sa karon, nakahunong na sa karsel sang Roxas City Police Station ang nasambit nga suspek.
